Bakının Səbail rayonu, Lev Tolstoy və Əlimərdan bəy Topçubaşov küçələrin kəsişməsində yerləşən marketdə vaxtı keçmiş qida məhsulları satılır. Bu haqda bu gün, 18 dekabr tarixində Bakuplus.az Baku TV-yə istinadən məlumat verir.
Baku TV-nin işçisi mağazada piştaxtada istifadə müddəti bitmiş malları görərək dərhal satıcıya məlumat verib. Sonuncu isə öz növbəsində bu vəziyyətə səbəb kimi işçi çatışmazlığını göstərib.
Məsələ ilə bağlı Azərbaycan Qida Təhlükəsizliyi Agentliyi (AQTA) istehlakçılara təqdim olunan ərzaq məhsullarının təhlükəsizliyinin təmin edilməsinə bilavasitə sahibkarların cavabdeh olduğunu bildirib və bu faktla bağlı yoxlama aparılacağını vurğulayıb.
