Şüvəlan qəsəbəsinin bəzi məhəllələrində antisanitariya hökm sürür. Bu haqda BakuPlus.az bu gün, 8 iyul tarixində xəbər verir.
Sakinlər zibillik poliqonuna çevrilmiş küçələrin vəziyyətindən şikayətlənirlər.
Onların sözlərinə görə, zibil qutularının olmaması küçələrdə natəmizliyin yaranmasına gətirib çıxarır. Belə ki, yolboyu hasarların kənarlarında da atılmış müxtəlif ölçüdə və çeşiddə zibil qalıqlarını görmək mümkündür. Hətta tullantıların toplanıldığı yerlərdən biri zibil poliqonunu xatırladır.
Qəsəbənin “Talışlar məhəlləsi”nin sakinləri bildirirlər ki, yolboyu qoyulan yeganə zibil qutusunun marketin yanında olması səbəbindən, o, hər zaman dolu olur.
Ərazidə narahatlıq yaradan digər məsələlərdən biri də küçələrdə ünvan bildirən lövhələrin olmamasıdır. Bu baxımdan da çətinlik yaşayan yerli əhali sözügedən lövhələrin olmaması səbəbindən ünvanlarını dəqiq izah edə bilmirlər.
[URIS id=51868]
