Bu gün Vətən müharibəsinin başlanmasının dördüncü ildönümüdür.
Bakuplus.az xatırladır ki, Azərbaycan Ordusunun əks-hücum əməliyyatının birinci günündə işğal altındakı altı məntəqə azad edilib.
Azərbaycan Ordusu üç istiqamətdə - Füzuli, Cəbrayıl və Kəlbəcər - müharibənin ilk uğurunu qazanıb. Belə ki, Füzulinin Qaraxanbəyli, Qərvənd və Horadiz kəndləri, Cəbrayılın isə Böyük Mərcanlı və Nüzgar kəndləri işğaldan azad edilib.
Ordumuzun 27 sentyabrdakı uğurlu əməliyyatları nəticəsində Ağdərə və Murovdağ istiqamətlərində yüksəkliklər də düşməndən təmizlənib.
