Bakının Kliniki Tibbi Mərkəzinin (KTM) laboratoriyasında yerləşən cihaz bir neçə aydır ki, işlək vəziyyətdə deyil. Bu haqda bu gün, 26 dekabr tarixində Bakuplus.az Xəzər Xəbər-ə istinadən məlumat verir.
Pasiyentlərin sözlərinə görə, onların orqan transplantasiyasından sonra müəyyən müalicə qəbul etməklə əlaqədar dərman dozasının təyini üçün olan analiz avadanlığı lazımdır. Lakin sentyabr ayından həmin avadanlıq işləmir. Yüzlərlə insan mütəmadi şəkildə müayinədən keçməli olduğu bu cihazının işlək vəziyyətə salınmasını gözləyir.
KTM-dən bildirilib ki, cihazın işləməməsinə səbəb ehtiyat hissələrinin sıradan çıxmasıdır.
TƏBİB-dən isə bildirilib ki, məsələ araşdırılacaq.
