Paytaxtın Xətai rayonu, Məzahir Rüstəmov küçəsini su basıb. Bu haqda bu gün, 28 iyun tarixində Bakuplus.az Oxu.az-a istinadən məlumat verir.
Sakinlərin sözlərinə görə, analoji vəziyyət burada tez-tez müşahidə olunur. Xətdə nasazlığın olması ehtimal edilir.
Azərbaycan Dövlət Su Ehtiyatları Agentliyinin rəsmisi Anar Cəbrayıllı bildirib ki, ərazidə qəza baş verməyib.
"Orada Mənzil-Kommunal Təsərrüfatı Birliyi suvarma məqsədilə hidrantdan maşınlara su vurduğu üçün ətrafa su dağılır. Heç bir qəza halı yoxdur", – deyə sözçü əlavə edib.
