8 oktyabr tarixində Xətai rayonunda 5 şəhidin adı əbədiləşdirilib, xatirə abidə kompleksi tikilib. Bu barədə Milli.az xəbər verir.
Xətai rayonunda yerləşən 165 nömrəli məktəbin həyətində Sübhan Abdürrəhmanlı, Əbülhəsən Eyvazov, Rövşən Rüstəmov, aprel şəhidi, pilot mayor Təbriz Musazadə və Birinci Qarabağ müharibəsinin şəhidi Fərrux Abbasovun xatirə lövhəsinin açılış mərasimi keçirilib.
Onların şəhid olma tarixi və məkanı:
- Sübhan Abdurahmanlı 2020-ci il oktyabrın 2-də Füzuli döyüşləri zamanı şəhid olub
- Əbülhəsən Eyvazov 30 oktyabr 2020-ci ildə Füzuli rayonu ərazisində gedən döyüşlərdə şəhid olub
- Rövşən Rüstəmov 2020-ci il oktyabrın 6-da Ağdərə istiqamətində gedən döyüşlərdə şəhid olub
- Təbriz Musazadə 2016-cı il aprelin 2-də Füzuli rayonu istiqamətində gedən döyüşlər zamanı şəhid olub
- Fərrux Abbasov 1992-ci il mayın 15-də Birinci Qarabağ müharibəsində döyüşlər zamanı şəhid olub
Açılış mərasimində şəhidlərin ailəsi, dostları, İcra Hakimiyyətinin əməkdaşları və digər rəsmi şəxslər iştirak edib.
