Xətai rayonu, Afiyəddin Cəlilov küçəsindəki binaların sakinləri, həyətlərində uzun illərdir istifadəsiz qalan yanğınsöndürmə rezervuarının yaratdığı problemlə bağlı şikayət ediblər. Bu haqda bu gün, 15 avqust tarixində Bakuplus.az Oxu.az-a istinadən xəbər verir.
1969-cu ildən istifadəyə yararsız olan rezervuar uşaqlar üçün təhlükə mənbəyinə çevrilib. Sakinlər aidiyyəti qurumlara müraciət etdiklərini, amma heç bir nəticə əldə etmədiklərini bildirirlər.
Xətai Rayon İcra Hakimiyyəti məsələdən xəbərdar olduqlarını, əraziyə baxış keçirdiklərini və balanssaxlayıcılarla bağlı müvafiq qurumlara məlumat verdiklərini açıqlayıb. Eyni zamanda, Xətai rayonunda abad həyətlər layihələrinin həyata keçirildiyini, yaxın günlərdə ərazinin tam təmir ediləcəyini vurğulayıb.
