Paytaxtın Xətai rayonunda liftin hissələri oğurlanıb, heç kim də düzəltmək istəmir. Bu haqda bu gün, 6 may tarixində Bakuplus.az Xəzər Xəbər-ə istinadən məlumat verir.
Hadisə Məhəmməd Hadi küçəsi, 79 ünvanında baş verib. Sakinlərin sözlərinə görə, bir neçə gün əvvəl onların binalarındakı liftlərin hissələri oğurlanıb. Bundan sonra onlar müvafiq qurumlara dəfələrlə müraciət etsələr də, heç kim köməklik etmir.
97 saylı Mənzil-Kommunal İstismar Sahəsindən məsələ ilə bağlı bildiriblər ki, oğurluq barəsində polisə müraciət edilib, lift isə yaxın zamanlarda təmir olunacaq. DİN isə qeyd edib ki, hazırda oğruların axtarışları aparılır.
