18 oktyabr tarixində Bakıda şəhidin adını daşıyan parkın və xatirə lövhəsinin açılış mərasimi baş tutub. Bu barədə Xətai Rayonu İcra Hakimiyyəti xəbər verib.
Vətən müharibəsi şəhidi Elşən Salayevin 23-ci doğum günündə, şəhidin vaxtilə yaşadığı Səməd bəy Mehmandarov küçəsi 26 ünvanında adını daşıyan xatirə lövhəsinin açılış tədbirində İcra Hakimiyyətinin başçısı Rafiq Quliyev, şəhidlərin ailə üzvləri və ictimaiyyət nümayəndələri iştirak ediblər.
Mərasimdə şəhidin xatirəsi anılıb və onun döyüşlərdə göstərdiyi qəhrəmanlıqlardan bəhs edilib. Mərasimdə məktəblilərin ifasında Vətənə, ordumuza, şəhidlərimizə həsr olunan şeirlər səsləndirilib, ədəbi-bədii kompozisiya nümayiş olunub.
Şəhidin adını daşıyan parkda abadlıq işləri görülüb, yaşıllıq örtüyü salınıb, səki daşları düzülüb. Azyaşlılar üçün idman və əyləncə qurğuları quraşdırılıb, yaşlı sakinlərin istirahəti üçün oturacaqlar qoyulub.
Sonda şəhidin xatirə lövhəsinin qarşısına tər güllər düzülüb.
Elşən Salayev oktyabrın 18-i 2020-ci ildə Tərtər rayonunun Talış kəndi istiqamətində gedən ağır döyüşlərdə şəhid olub. Ölümündən sonra "Vətən uğrunda”, “Cəsur döyüşçü”, Suqovuşanın azad olunmasına görə” medalları ilə təltif olunub.
[caption id="attachment_9804" align="alignnone" width="1280"]
Foto Xətai Rayonu İcra Hakimiyyətinin rəsmi saytı[/caption]
[caption id="attachment_9802" align="alignnone" width="1280"]
Foto Xətai Rayonu İcra Hakimiyyətinin rəsmi saytı[/caption]
[caption id="attachment_9801" align="alignnone" width="1280"]
Foto Xətai Rayonu İcra Hakimiyyətinin rəsmi saytı[/caption]
[caption id="attachment_9800" align="alignnone" width="1280"]
Foto Xətai Rayonu İcra Hakimiyyətinin rəsmi saytı[/caption]
[caption id="attachment_9799" align="alignnone" width="1280"] Foto Xətai Rayonu İcra Hakimiyyətinin rəsmi saytı[/caption]
