Xətai rayonunda 48 illik binalar çökür. Bu haqda bu gün, 30 oktyabr tarixində Bakuplus.az Bizim.Media-ya istinadən xəbər verir.
Rayonun Nəsrəddin Tusi küçəsi, 25 və 27 ünvanlarında yerləşən binalar təhlükə saçır. Belə ki, binalar vaxt keçdikcə çökür, üzlük daşları qoparaq yerə tökülür. İçərisində isə çatlar və deformasiyalar əmələ gəlib.
Sakinlərin sözlərinə görə, binalar təbii fəlakət zamanı zərər görüb:
“O vaxtlar da bu binalar müəyyən standartlara cavab vermədiyinə görə heç kim bura köçmək istəməyib. 2000-ci ilin zəlzələsində hər 2 bina ciddi zərər görüb və müəyyən dəmir konstruksiyalarla bərkidilərək yenidən istismara verilib. 2 ay bundan əvvəl baş verən zəlzələ zamanı da binalardakı fəsadlar özünü göstərib”, – deyə sakinlər bildirirlər.
Qeyd olunub ki, dəfələrlə aidiyyəti İcra Hakimiyyətinə və Fövqəladə Hallar Nazirliyinə müraciət edilib. Amma illərdir ki, müraciətlərə məhəl qoyan yoxdur.
[video width="1920" height="1080" mp4="https://bakuplus.az/storage/photos/2023/10/13.mp4"][/video]
