Paytaxtın Xətai rayonu, Suleyman Vəzirov və Nəcəfqulu Rəfiyev küçələrinin kəsişməsində olan işıqforlar işləmir. Nəticədə nəqliyyat vasitələri bir birinə yol vermir, ərazidə təhlükəli vəziyyət yaranıb. Bu haqda bu gün, 17 iyun tarixində Bakuplus.az ATV-yə istinadən məlumat verir.
Bu yoldan mütəmadi istifadə edən sürücülər deyirlər ki, işıqforların işləməməsi qəzalara səbəb olur, bir nəqliyyat vasitəsi digərinin yoluna çıxır.
Azərbayacn Yerüstü Nəqliyyat Agentliyindən (AYNA) bildirildi ki, paytaxtın küçə və prospektlərində piyadaların və nəqliyyat vasitələrinin hərəkət təhlükəsizliyinin artırılması məqsədilə kompleks tədbirlər aparılır. Bu çərçivədə müxtəlif yol sahələrində nəqliyyat axını təhlil edilərək zəruri yerlərdə işıqforların quraşdırılması təmin edilir.
Belə işlər Suleyman Vəzirov və Nəcəfqulu Rəfiyev küçələrinin kəsişməsində də həyata keçirilib. Hazırda təhvil-təslim prosesi aparılır.
