Xətai rayonunda 498 ədəd konteyner meydançası yaradılıb. Bu haqda 24 avqust tarixində APA məlumat verib.
Artıq 4 ildən çoxdur ki, Bakı Şəhər İcra Hakimiyyəti Böyük Britaniyanın “Mott MacDonald” şirkəti ilə birgə bərk məişət tullantılarının yığılması, daşınması və çeşidlənməsi ilə bağlı layihə həyata keçirir. Pilot layihə kimi Nərimanov rayonunda başlanan proses keçən ildən mərhələli şəkildə daha 4 rayonu – Nizami, Nəsimi, Səbail və Yasamal rayonlarını əhatə etmişdir.
Bu il daha 2 rayonda bu layihənin tətbiqinə başlanacaq. Artıq Xətai rayonunda hazırlıq işlərinə start verilib. İlk növbədə rayon ərazisində 498 ədəd konteyner meydançası yaradılıb və bu meydançalara yaşıl, narıncı rənglərdə yeni, müasir konteynerlər quraşdırılacaq.
Layihənin həyata keçirilməsi üçün Bakı şəhər kommunal təsərrüfatı xidmətləri üçün müasir tələblərə tam cavab verən 57 ədəd yeni avtonəqliyyat vasitələri və mexanizmləri alınaraq istifadəyə verilib.
[URIS id=63986]
