Paytaxtın Xəzər rayonu, Mərdəkan qəsəbəsində kanalizasiya sistemi yoxdur. Bu haqda bu gün, 27 may tarixində Bakuplus.az Space TV-yə istinadən xəbər verir.
Şahin İskəndən küçəsi və ətraf ərazilərdə içməli su xətti çəkilib, ancaq kanalizasiya sistemi yaradılmayıb.
“Yağış yağan kimi hərəkət etmək mümkün deyil. Nə qədər müraciət etmişik, amma baxan yoxdur”, - deyə sakinlər bildirir.
Xəzər rayon İcra Hakimiyyəti məsəslədən xəbərdar olduqlarını və müvafiq qurumlara müraciət edildiyini bildirib. “Azərsu” ASC isə sözügedən ərazidə yenidənqurma işlərinin aparılmasının nəzərdə tutulduğunu qeyd edib.
