Bakının bir sıra ərazilərində sanitariya-gigiyena qaydalarının pozulmasına qarşı yoxlamalar aparılıb. Bu haqda bu gün, 1 iyun tarixində Bakuplus.az Daxili İşlər Nazirliyinə istinadən xəbər verir.
Xəzər rayonunun Şüvəlan qəsəbəsi ərazisində keçirilən tədbir zamanı bir obyektdə atmosferə atılan ziyanlı maddələrin zərərsizləşdirilməsi üçün tüstü bacalarına təmizləyici qurğuların quraşdırılmadığı faktı aşkar olunub.
Xətai rayonu ərazisində keçirilən tədbir zamanı isə bir tikinti sahəsində yaşıllıqların mühafizəsi tələblərinin pozulması, tullantı emalı yerlərinin müəyyənləşdirilməməsi və tullantıların qalaqlanması müəyyən edilib.
Hər 2 faktla bağlı inzibati tənbeh tədbiri görülüb. Yoxlamalar davam edir.
