Bakının 3 rayonunda qaz kəsiləcək. Bu haqda bu gün, 29 fevral tarixində Bakuplus.az “Azəriqaz”a istinadən xəbər verir.
Xəzər rayonu, Binə qəsəbəsində qaz xətlərinin yerinin dəyişdirilməsi ilə bağlı qəsəbənin qaz təchizatında fasilə yaranacaq.
Xətai rayonunun Cavanşir, Sadıqcan, Qədir Məmmədov və M.Hadi küçələrində qaz xəttində sızma ilə əlaqədar qazın verilişində məhdudiyyət olacaq.
Yasamalda 2-ci Alatava, Yeni Yasamal 1, 2 yaşayış massivləri, Şərifzadə, Ə.Əhmədov, Talıblı, Zərdabi, 7-ci Alatava, Kənar dairəvi, General Həmidov, V.Əliyev, Z.Kazımov, X.Dadaşov, D.Bünyadzadə, Ü.Əkbərov, M.Həsənov, K. Rəhimov və X. Mustafayev küçələrində də qaz sızmalarının aradan qaldırılması məqsədilə fasilə yaranacaq.
Bu səbəbdən bu gün saat 10:00-dan etibarən qazın verilişi müvəqqəti dayandırılacaq.
