Bakıdakı Xalça Muzeyində “Orta əsrlərdə Yaxın Şərqdə gümüş böhranı və onun Şirvanşahlar dövlətinin tarixinə və sikkələrinə təsiri” adlı mühazirə keçiriləcək. Bu haqda bu gün, 9 fevral tarixində Bakuplus.az muzeyə istinadən xəbər verir.
Mühazirə Azərbaycan Filateliya İttifaqı nəzdində “Filateliya və numizmatika” klubunun üzvü Rüstəm Hüseynov tərəfindən təqdim olunacaq.
Görüşdə şərq ölkələri tarixində baş vermiş fenomen bir hadisə - “gümüş böhranı” və həmin dövrdə Şirvanşahlar dövlətinin öz sikkələrini zərb etməyə başlaması, tədricən bütün regiona böyük təsir göstərən, qonşu ölkələr üçün örnək olan müxtəlif nominallı sikkələr sisteminin yaradılması barədə təfərrüatlı məlumat veriləcək.
Tədbir 11 fevral 2023-cü il tarixində saat 16:00-da baş tutacaq. Öncədən qeydiyyatdan keçmək vacibdir. İştirak ödənişsizdir.
