Qarabağ Regional Təhsil İdarəsinin müdiri vəzifəsini icra edən Anar Məcidovun sözlərinə görə, 23 sentyabr tarixində Xankəndi şəhər Nizami Gəncəvi adına 4 nömrəli tam orta məktəbdə ilk dərs günü təşkil olunacaq.
12:19
Xankəndi şəhəri 4 nömrəli tam orta məktəbin təmirdən sonra görüntüləri yayılıb.
APA xəbər verir ki, 624 şagird yerlik tam orta məktəbin əsaslı təmirinə Elm və Təhsil Nazirliyinin sifarişi ilə bu ilin mayında başlanılıb.
Məktəbin layihəsi 0,67 hektar ərazini, 3760 kvadratmetr ümumi sahəni əhatə edir. Məktəbdə 11 sinif otağı, kimya, fizika, biologiya laboratoriyaları, texnologiya və informatika otaqları, 2 STEAM otağı, çağırışaqədərki hazırlıq kabineti, kitabxana, akt və idman zalları, həmçinin yeməkxana yaradılıb.
Hazırda Xankəndi şəhər 4 saylı tam orta məktəbində 296 şagird qeydiyyatdan keçib.
