Bakının Binəqədi rayonu, Xocəsən qəsəbəsində bir neçə il əvvəl tikilmiş yerüstü piyada keçidi yararsız hala düşüb. Bu haqda bu gün, 13 dekabr tarixində Bakuplus.az məlumat verir.
Keçidin şüşələri qırılıb, buna görə də yağışlı və küləkli havada piyadalar pis hava şəraitindən qorunmurlar. Pəncərələrin bir hissəsinin olmaması səbəbindən keçidin daxili daim çirklidir.
Bundan əlavə, binanın üzlüyü uçaraq birbaşa altından keçən avtomobillərin üzərinə düşür, paslanmış metal konstruksiyalar görünür.
Bütün bunlar ona gətirib çıxarır ki, sakinlər keçiddən istifadə etməkdən imtina edirlər və yolu piyadalar üçün müəyyən olunmamış hissədən keçərək həyatlarını təhlükə altına alırlar.
