Bakının Nərimanov rayonunda Xocalı soyqırımı qurbanlarının xatirəsinə ağacəkmə aksiyası keçirilib. Bu haqda bu gün, 25 fevral tarixində Qafqazinfo məlumat verib.
Aksiya Heydər Əliyev Fondunun “Regional İnkişaf” İctimai Birliyinin (RİİB) və Bakı Şəhər İcra Hakimiyyətinin birgə təşkilatçılığı ilə baş tutub. İştirakçılar Xocalı qətliamında həlak olmuş 613 insanın xatirəsini yad edərək 613 ağac əkiblər.
2008-ci ildən Heydər Əliyev Fondunun vitse-prezidenti Leyla Əliyevanın təşəbbüsü ilə “Xocalıya ədalət” beynəlxalq maarifləndirmə kampaniyası həyata keçirilir.
1992-ci il fevralın 25-dən 26-na keçən gecə Ermənistan silahlı qüvvələri tərəfindən keçmiş SSRİ-nin 366-cı motoatıcı alayının iştirakı ilə həyata keçirilən Xocalı soyqırımı nəticəsində 63 uşaq, 106 qadın, 70 ahıl olmaqla, 613 Xocalı sakini qətlə yetirilib.
[caption id="attachment_92050" align="alignnone" width="640"]
Foto Regional İnkişaf[/caption]
