Nərimanov rayonu, Xətai prospekti, 5 ünvanındakı köhnə, qəzalı vəziyyətdə olan binanın ərazisi “Yaşıl bazar” tərəfindən zəbt olunub. Bunu binada qalan sakinlər iddia edirlər. Bu haqda bu gün, 26 aprel tarixində Bakuplus.az ARB-yə istinadən məlumat verir.
Sakinlərin sözlərinə görə, burada yaşayanların əksəriyyəti köçürülüb, həmin yerdə bazarın anbarları tikilib. Amma 20-yə yaxın ailə hələ də bu köhnə, qəzalı binada yaşayır və buradan köçürüləcəyi günü gözləyir. İşlər görüldükdən sonra bitişik binanın pilləkənləri çatlayıb, bina yararsız hala düşüb.
“Birinci mərtəbələri eləyiblər anbar. Bina çökür. Bəzi evlərdə fəhlələr kirayə yaşayırlar. Bazarın içində yaşayırıq”, - deyə sakinlər öz narazılığını bildiriblər.
“Yaşıl bazar”ın rəhbərliyi bu məsələyə münasibət bildirməkdən imtina edib və çəkiliş qrupu ilə danışmağa razı olmayıb.
[caption id="attachment_98480" align="alignnone" width="640"]
Foto ARB24-ün rəsmi Youtube kanalı[/caption]
