YARAT İncəsənət Mərkəzində poeziya gecəsi keçiriləcək. Bu haqda bu gün, 14 fevral tarixində Bakuplus.az mərkəzə istinadən xəbər verir.
“Yoxlanılıb, mina yoxdur!” adlı qrup sərgisi və “Poetry Hub” adlı layihə çərçivəsində keçirilən tədbirdə klassik və müasir poeziya ab-havasına qərq olmaq mümkün olacaq.
Tədbirdə müəllif və qiraətçi kimi Nigar Babayeva, Şahrun Süleymanova, Kamal Hüseynzadə, Pərviz Seyidli, Xanım Aydın, Hüseynağa Aslanov, Nicat Nəsri və Fərid Hüseyn iştirak edəcəklər. Proqramın musiqi tərtibatının müəllifi səs mühəndisi və ifaçı Sultan Nadirov olacaq.
Poeziya gecəsi 21 fevral saat 19:00-da baş tutacaq. İştirak üçün öncədən qeydiyyat vacibdir.
