YARAT İncəsənət Mərkəzində baş tutacaq ustad dərslərinin vaxtları açıqlanıb. Bu haqda bu gün, 10 fevral tarixində Bakuplus.az mərkəzə istinadən xəbər verir.
“Yerlə göy arasında” fərdi sərgisi çərçivəsində böyüklər üçün “Özünü kəşf et” ustad dərslərinin fevral proqramı aşağıdakı kimidir:
14 fevral:
- Mövzu: Vizual esse;
- Tütor: Gülarə İsrafilova;
- İştirakçılar kətan üzərində akril boyalardan istifadə edərək, “Yerlə göy arasında” sərgisindəki əsərlər əsasında vizual olaraq esse yaradacaqlar.
21 fevral:
- Mövzu: Yerlə göy arasında;
- Tütor: Erkin Ələkbərli;
- İştirakçılar palitra bıçağı (mastixin), fırça və akril boyalar vasitəsilə kətan üzərində abstrakt mənzərə yaradacaqlar.
28 fevral:
- Mövzu: Kağız formalar;
- Tütor: Kamal Poladov;
- İştirakçılar ilk növbədə papye-maşe texnikası ilə tanış olacaqlar, daha sonra heykəllər yaradacaqlar.
Tədbir qeyd olunan tarixlərdə saat 19:00-da XX-XXI əsrlər Azərbaycan Rəngkarlığı Muzeyində baş tutacaq. İştirak ödənişsizdir. Qeydiyyat üçün +994 50 251 41 15 nömrəsi ilə əlaqə saxlamaq olar. Yaş məhdudiyyəti 16+.
