Bakının Yasamal rayonu, Həsən Məcidov küçəsində təmir işləri aparılır. Bu haqda bu gün, 19 dekabr tarixində Bakuplus.az Azərbaycan Avtomobil Yolları Dövlət Agentliyinə (AAYDA) istinadən xəbər verir.
Küçənin uzunluğu 330 metr, ortalama eni isə 12-15 metr təşkil edir.
Təmir işləri çərçivəsində küçədə köhnə səki daşları bərpa olunub, ehtiyac yaranan yerdə yeni səki daşları düzülüb.
Hazırda ərazidə köhnə asfalt-beton örtüyü qazılır. Daha sonra yeni asfalt-beton örtüyü döşənəcək.
Eləcə də küçə boyunca yeraltı kommunikasiya xətlərinin baxış qapaqlarının layihə hündürlüyünə qaldırılması, həmçinin yeni baxış qapaqlarının və yağış barmaqlıqlarının qoyulması da nəzərdə tutulub.
Son mərhələdə küçədə zəruri yol nişanları quraşdırılacaq, üfüqi nişanlanma xətləri çəkiləcək.
[caption id="attachment_123808" align="alignnone" width="640"]
Foto AAYDA[/caption]
