Bakının Yasamal rayonu, Yeni Yasamal 1, Dairəvi meydan ünvanında yerləşən kafedə nöqsanlar aşkarlanıb. Bu haqda bu gün, 1 dekabr tarixində Bakuplus.az Azərbaycan Qida Təhlükəsizliyi Agentliyinə (AQTA) istinadən xəbər verir.
“Bərdə” kafesində keçirilən yoxlamalar zamanı obyektdə qida təhlükəsizliyi sahəsində normativ hüquqi aktların, eləcə də sanitariya qaydalarının pozulduğu məlum olub.
Bundan əlavə, müəssisənin təhlükəsizlik qeydiyyatından keçmədən işlədiyi və işçilərin tibbi müayinə olunmadıqları aşkarlanıb.
Faktlarla bağlı rəhbərlik məsuliyyətə cəlb olunub, obyektin fəaliyyəti dayandırılıb.
