Paytaxt sakini Zahid Efendiyev ona əsassız yerə cərimə protokolu yazıldığını bildirib. Onun sözlərinə görə, polis əməkdaşları onu saxlayaraq duman əleyhinə olan işıqlara qanunsuz yerə dəyişiklik etdiyi əsas gətirilərək, avtomobili cərimə meydançasına aparıblar. Bu haqda bu gün, 11 noyabr tarixində Bakuplus.az Xəzər Xəbər-ə istinadən məlumat verir.
Sürücü iddia edir ki, avtomobilində olan işıqlar zavod istehsalıdır və qadağan olunmayıb.
Hadisə ilə bağlı Bakı Şəhər Baş Dövlət Yol Polisi İdarəsinin baş inspektoru Araz Əsgərli bildirib ki, bəzi sürücülər qaranlıq saatlarında yolu işıqlandırmaq üçün duman əleyhinə olan işıqlardan istifadə edir, digər hərəkət iştirakçılarının həyat və sağlamlıqları üçün təhlükə yaradırlar. Protokola gəlincə qeyd olunub ki, sürücünün şikayəti əsasında bu məsələ araşdırıla bilər.
