Bakının Nizami rayonu, 8-ci kilometr qəsəbəsi, Elşən Süleymanov küçəsində ağaclar yeni çəkilən yolun ortasında saxlanılıb. Bununla bağlı sosial şəbəkələrdə geniş müzakirələr yaranıb. Bu haqda bu gün, 15 noyabr tarixində Bakuplus.az Baku TV-yə istinadən məlumat verir.
Azərbaycan Avtomobil Yolları Dövlət Agentliyindən (AAYDA) bildirilib ki, həmin yol məhəlləarası infrastruktur olduğuna görə agentliyin balansında deyil.
Yerli sakinlər həmin yolun piyadalar tərəfindən istifadə edildiyini və ağacların saxlanılmasından narazı olmadıqlarını bildiriblər. Sakinlərin sözlərini MTK nümayəndəsi Elşad Fətullayev də təsdiqləyib. O da qeyd edib ki, bu ərazi avtomobillər üçün nəzərdə tutulmayıb.
