Xətai rayonu, Zığ şosesi, 9 ünvanında yerləşən obyektdə nöqsanlar aşkarlanıb. Bu haqda bu gün, 3 iyun tarixində Bakuplus.az Qida Təhlükəsizliyi Agentliyinə istinadən xəbər verir.
“Təndir N1” ictimai iaşə müəssisəsində aparılan yoxlama zamanı qida təhlükəsizliyi sahəsində texniki normativ hüquqi aktların, sanitariya normalarının pozulması faktları müəyyən edilib.
Belə ki, müəssisənin qida təhlükəsizliyi qeydiyyatından keçmədən fəaliyyət göstərdiyi, yararlılıq müddəti ötmüş toyuq məhsulunun anbar sahəsində saxlanıldığı, temperatur rejiminə və mal qonşuluğu prinsipinə əməl olunmadığı, işçilərin tibbi müayinədən keçirilmədiyi və xüsusi geyimlə təmin edilmədiyi, havalandırma sisteminin quraşdırılmadığı və mütəmadi təmizlik işlərinin aparılmadığı məlum olub.
Eyni zamanda çiy dönər məhsulunun hazır şəkildə alındığı bildirilsə də, məhsullara dair müşayiətedici sənədlər təqdim edilməyib.
Aşkar olunmuş faktlarla bağlı ictimai iaşə müəssisəsində bişmiş dönərin emalı dayandırılıb.
