Paytaxtın Xətai rayonu, Zığ şosesinin kənarında, 63 saylı məktəbin qarşısında hər iki tərəfdə avtobus dayanacağı olsa da, piyada keçidi yoxdur. Bu haqda bu gün, 14 noyabr tarixində Bakuplus.az “Bakı Gündəliyi” Facebook səhifəsinə istinadən məlumat verir.
Yolun digər tərəfində yaşayan şagirdlər və yaxud avtobusla məktəbə gələn şagirdlər hər gün nəqliyyatın yüksək sürətlə hərəkət etdiyi şoseni işıqforsuz və keçidsiz keçməyə məcburdurlar.
Valideynlər bildirirlər ki, yerüstü keçidlər quraşdırılsa da, onlar dayanacaqdan uzaq məsafədə yerləşir. Bu səbəbdən də keçidlərdən istifadə edilmir. Vətəndaşlar Azərbaycan Yerüstü Nəqliyyat Agentliyindən düyməli işıqfor quraşdıraraq problemi həll etməyi xahiş edirlər.
