Paytaxtın Xətai rayonu, Zığ şosesi, bina 39 ünvanında yaşayan sakinlər şikayət edirlər. Bu haqda bu gün, 24 iyun tarixində Bakuplus.az ATV news-a istinadən xəbər verir.
Binanın üz örtüyü istifadəyə qadağa qoyulan, yanmaya meyilli “alkapon” adlanan üzlüklə döşənib. Sözügedən “alkapon”lar tez-tez qoparaq avtomobillərin üstünə düşür.
Bundan əlavə, həyətdə olan futbol meydançası da hasarlanaraq, özəlləşdirilib. Məhəllədə olan hər hansı qurğuları isə sakinlər öz vəsaitləri hesabına təmir etdirirlər. Onlar Xətai rayon İcra Hakimiyyətinə dəfələrlə müraciət etdiklərini, ancaq qurum tərəfindən heç bir addım atılmadığını bildiriblər.
Ərazidə çəkiliş edilən zaman jurnalistlər də İcra Hakimiyyətinə müraciət ediblər. Qurumdan bildirdilər ki, gün ərzində məsələ araşdırılacaq və geri dönüş ediləcək, ancaq daha sonra heç bir cavab almaq mümkün olmayıb.
