"Formula 1" üzrə Azərbaycan Qran-prisinə bilet alan şəxslər artıq əldə olunan vauçerləri elektron biletlərə dəyişə bilər. Bu haqda 28 may tarixində Bakuplus.az xəbər verir.
Bilet alan şəxslər vauçerləri iyunun 12-dək dəyişdirə bilər. Bilet sahibləri www.bakucitycircuit.com saytında şəxsi hesablarına daxil olaraq elektron bileti yükləməlidirlər. Elektron biletləri yarış və əyləncə zonasının girişindəki bilet satış məntəqələrindən, həmçinin şəhərin kassalarından əldə etmək olar. Satış məntəqəsinə yaxınlaşan şəxslər vauçeri və şəxsiyyət vəsiqələrini təqdim etməlidirlər.
Yarış və əyləncə zonasına vauçerlə giriş mümkün deyil.
