Bakıda Atıcılıq üzrə Dünya çempionatına start verilib. Bu haqda bu gün, 15 avqust tarixində Bakuplus.az Federasiyaya istinadən xəbər verir.
Açılış mərasimi çərçivəsində keçirilən mətbuat konfransında Azərbaycan Atıcılıq Federasiyasının baş katibi Emin Cəfərov çıxış edib. O bildirib ki, yarışda 101 ölkədən 1239 idmançı yarışda iştirak edəcək. 55 növdə qaliblərin adına aydınlıq gələcək.
“Hazırda müxtəlif ölkələrdən gəlmiş 700-ə yaxın nümayəndə var. Ümumilikdə 2000-dən çox şəxsin yarışda iştirakı gözlənilir. Filippin son anda çempionata qatılmaqdan imtina edib. Bu, onların daxili məsələləridir. Bizdən asılı məqam deyil. Turnir atıcılıq idmanı üçün xüsusi bayram olacaq", – deyə o əlavə edib.
Yarış 1 sentyabr tarixinə qədər davam edəcək.
