Azərbaycan Böyük Dəbilqə turnirində bir cüdoçu ilə təmsil olunacaq. Bu haqda 17 iyun tarixində Report məlumat verib.
Monqolustanın paytaxtı Ulan-Batorda 24-26 iyun tarixlərində cüdo üzrə Böyük Dəbilqə turniri keçiriləcək. Turnirdə Azərbaycanı qadın cüdoçuların mübarizəsində 48 kq çəki dərəcəsində 24 yaşlı Leyla Əliyeva təmsil edəcək.
Turnirə dünyanın 30 ölkəsindən 272 idmançı qatılacaq.
Leyla Əliyeva Bakı şəhərində anadan olub. 2014-cü ildə baş tutan Yeniyetmələrin II Yay Olimpiya Oyunlarında gümüş medal qazanıb. Cüdoçu, həmçinin 2015-ci ildə Azərbaycanı I Avropa Oyunlarında təmsil edib.
