Azərbaycanın FIFA referisi Əliyar Ağayev avrokubok oyununa təyinat alıb. Bu haqda bu gün, 24 oktyabr tarixində Bakuplus.az AFFA-ya istinadən xəbər verir.
UEFA Avropa Liqasının qrup mərhələsinin III turu çərçivəsində Serbiyanın “Baçka Topola” və Almanıyanin “Frayburq” komandaları qarşılaşacaq. Oyunu Əliyar Ağayev idarə edəcək. Ağayevə laynsmanlar qismində Zeynal Zeynalov və Akif Əmirəli kömək edəcəklər. Dördüncü hakim funksiyasını Kamal Umudlu yerinə yetirəcək. VAR hakimləri Alper Ulusoy və Abdulkadir Bitigen olacaqlar.
Matç 26 oktyabr Bakı vaxtı ilə saat 20:45 də baş tutacaq.
