18 yaşadək yeniyetmələr arasında cüdo üzrə Azərbaycan çempionatının sonuncu günü ötən gün, yanvarın 16-da keçirilib. Bu haqda bu gün, 17 yanvar tarixində Report məlumat verib.
Yekun nəticələrə əsasən, qızların yarışında Xumar Qasımzadə (44 kq), Telli Atazadə (57 kq), Nigar Süleymanova (70 kq) yüksək nəticə əldə edərək birinci yerləri tutublar. Oğlanlar arasında Azərbaycan birinciliyinin qalibi Fikrət Nəcəfov (55 kq), Süleyman Əliyev (73 kq) və Ramazan Əhmədov (+90 kq) olublar.
Komanda hesabında birinci yeri 13 nömrəli Bakı İxtisaslaşdırılmış Olimpiya Ehtiyatları Uşaq-Gənclər İdman Məktəbi, ikinci yeri “Neftçi” idman klubu, üçüncü yeri isəTəhsil Respublika İdman Mərkəzinin Sumqayıt şəhər 1 nömrəli Uşaq-Gənclər İdman Məktəbinin komandası tutublar.
Beləliklə, yeniyetmələr arasında 3 günlük Azərbaycan çempionatına yekun vurulub.
Çempionatda 514 idmançı (439 oğlan, 75 qız) medallar uğrunda mübarizə aparıb.
