Bakıda 180 məktəbdə təmayül sinifləri təşkil olunub. Bu haqda Bakı Şəhəri üzrə Təhsil İdarəsinin müdiri Mehriban Vəliyeva məlumat verib.
Bakı Şəhəri üzrə Təhsil İdarəsinin tabeliyində olan 180 məktəbdə təhsildə keyfiyyətin artırılması məqsədi ilə 722 təmayül sinif yaradılıb. Bu siniflərdə 14.518 şagirdin təhsil almasına şərait yaradılıb.
Təmayül siniflər 8 istiqamət üzrə müəyyənləşdirilib:
- texniki təmayüllü
- riyaziyyat-iqtisadiyyat təmayüllü
- humanitar təmayüllü
- təbiət təmayüllü
- texniki və riyaziyyat-iqtisadiyyat təmayüllü
- texniki və təbiət təmayüllü
- humanitar və riyaziyyat-iqtisadiyyat təmayüllü
- peşə təmayüllü
Təmaüd siniflərdə xüsusi tədris planı və proqramlar tərtib edilir və 8-10 fəndən ibarət olur. Təmayül fənləri üzrə dərs saatı daha çoxdur. Məsələn, adi sinifdə riyaziyyat həftədə 4-5 saat, təmayül üzrə siniflərdə 8-9 saat keçirilir, əsas fərq isə şagirdlərin meyl-maraq göstərdikləri sahə ilə məşğul olmaqlarıdır. Bu da onların ali məktəbə hazırlaşmalarına, ümumiyyətlə, əlavə hazırlığının qismən aradan qaldırılmasına təsir edir.
