Bu gün, 18 noyabr tarixində Bakıda batut gimnastikası üzrə 35-ci Dünya çempionatı başlayır. Tədbir Milli Gimnastika Arenasında keçiriləcək. Bu haqda Azərbaycan Gimnastika Federasiyasının mətbuat xidməti məlumat verib.
Yarış siyahısına əsasən, 33 ölkədən 300-dək idmançı mübarizə aparacaq. Çempionat 4 gün davam edəcək. Gimnastlar batut üzərində fərdi və sinxron tullanışlar, tamblinq və ikili mini-batut üzrə proqramlarda çıxış edəcəklər. Bundan əlavə, hər bir proqramda çoxnövçülük üzrə komanda, eləcə də komanda təsnifatının qalibləri müəyyən olunacaq.
Çempionatın cədvəli iki hissəsəyə bölünüb - iki gün təsnifat və son iki gün finallar keçiriləcək.
Yarışlar haqqında yenilənən məlumatlar www.agf.az/az/competitions saytında onlayn rejimində əks olunacaq.
