8 fevral tarixində Bakı İdman Sarayında gənclər arasında güləş üzrə Azərbaycan çempionatının açılış mərasimi keçirilib. Bu haqda Azərtac xəbər verib.
Tədbirdə gənclər və idman naziri Fərid Qayıbov və Federasiyanın vitse-prezidenti Namiq Əliyev çıxış ediblər.
Çempionatın birinci günündə yunan-Roma güləşi üzrə 55, 60, 63, 67, 72, 77 və 82 kiloqram çəki dərəcələrində qaliblər müəyyənləşəcək. Fevralın 9-da klassik güləşdə 87, 97 və 130, sərbəst güləşdə isə 57, 61, 65 və 70 kiloqram çəki dərəcələrində medalçıların adları məlum olacaq.
Yarışın sonuncu günündə - fevralın 10-da isə 74, 79, 86, 92, 97 və 125 kiloqram çəki dərəcələrində ölkənin ən güclü sərbəst güləşçiləri bəlli olacaq.
[caption id="attachment_32789" align="alignnone" width="800"] Foto Azərtac.az saytından[/caption]
