Bakıda idman bal rəqsləri üzrə Bakı birinciliyi və çempionatı təşkil olunub. Bu haqda BakuPlus.az Bakı Şəhər Gənclər və İdman Baş İdarəsinə istinadən 21 fevral tarixində xəbər verir.
Çempionat Bakı Şəhər Gənclər və İdman Baş İdarəsi, Respublika Uşaq-Gənclər İnkişaf Mərkəzi və Azərbaycan Respublikası İdman rəqsləri Federasiyasının təşkilatçılığı ilə Respublika Uşaq-Gənclər İnkişaf Mərkəzində baş tutub.
Müsabiqə 12 kateqoriyada 3 yaş qrupu (6-10, 11-15, 16-21), Avropa standart və Latın Amerika proqramı, duet və solo ifaçıları nominasiyaları üzrə keçirilib.
75 iştirakçının mübarizə apardığı müsabiqəyə RUGİM, “Olimp” idman klubu, “Rovesnik” rəqs dərnəyi, “Azəri inciləri”, “1001 gecə”, “Harmony dance”, “İmpuls rəqs”, “Şane rəqs” studiyalarından iştirakçılar qatılıblar.
Yarışda 6-10 yaş qrupu üzrə 1-ci yerə Mikailov Rüfət, Muradova Ameliya, 2-ci yerə Səfərli Kərim, Mineyeva Viktoriya, 3-cü yerə Hüseynov Murad, Kazakova Karolina, 11-15 yaş qrupu üzrə 1-ci yerə Abbasov Qaflan, Kşnyakina Anastasiya, 2-ci yerə Əliyev Raul, Kşnyakina Darya, 3-cü yerə Lebedev Vasiliy, Qrızak Selena, 16-21 yaş qrupu, Standart və Latın proqramı nominasiyası üzrə I yerə Ağayev Fərhad, Kovalyova Valeriya, 2-ci yerə ŞevçenkoTimur, Yeliseyeva Elza, 3-cü yerə Quliyev Riad, Quliyeva Aylin; 16-21 yaş qrupu, solo Standart və Latın proqramı nominasiyası üzrə 1-ci yerə Novruzova Nigar, 2-ci yerə Əhmədova Ülviyyə, 3-cü yerə İsmayılova Aynur layiq görülüblər.
Sonda yarışın qaliblərinə medal və diplom təqdim edilib.
[caption id="attachment_34311" align="alignnone" width="800"]
Foto Respublika Uşaq-Gənclər İnkişaf Mərkəzinin rəsmi İnstagram kanalı[/caption]
