Bakıda Ümummilli lider Heydər Əliyevin anadan olmasının 99-cu ildönümünə həsr edilmiş şahmat turniri keçirilib. Bu haqda BakuPlus.az Bakı Şəhər Gənclər və İdman Baş İdarəsinə istinadən bu gün, 17 may tarixində xəbər verir.
Gənclər və İdman Baş İdarəsi tərəfindən keçirilən turnir 11 nömrəli Uşaq-Gənclər İdman Məktəbində baş tutub.
Turnirdə 130 şahmatçı İsveçrə sistemi üzrə mübarizə aparıb. Yarış 5 yaş qrupu üzrə oğlanlar və qızlar arasında keçirilib.
Yaş qrupları üzrə Xalid Rəhmanov (5-6 yaş), Fateh Rzasoy (7-8 yaş), Kamran Şıxıyev (9-10 yaş), Rəhman Mehdili (11-12 yaş) və Elgün Abbasov (14-15 yaş) birinci olublar.
Sonda qaliblərə diplom və medallar təqdim edilib.
[caption id="attachment_44814" align="alignnone" width="800"]
Foto Bakı Şəhər Gəclər və İdman Baş İdarəsinin Facebook səhifəsi[/caption]
