7 dekabr tarixində Bakıda onlayn şahmat turnirinin qaliblərinin mükafatlandırılması mərasimi keçirilib. Bu haqda Bakı Şəhər Gənclər və İdman Baş İdarəsinin mətbuat xidməti məlumat yayıb.
Bakı Şəhər Gənclər və İdman Baş İdarəsinin təşkilatçılığı ilə keçirilən turnir "Vətən uğrunda" və "Füzulinin azad olunmasına görə" medalları ilə təltif olunmuş Oktay Ağabəyovun xatirəsinə həsr olunub.
Tədbirdə şəhid Oktay Ağabəyovun anası Əlvadə Ağabəyova, atası Baxşəli Ağabəyov, Bakı Şəhər Gənclər və İdman Baş İdarəsinin (BŞGİBİ) rəis müavini Aydın Yusifov, sektor müdiri, paytaxtın şahmat idman növü üzrə koordinator-kuratoru Gündüz Vəliyev, turnirin baş hakimi Fidan Talıbova iştirak ediblər.
Sonda qaliblər medallar və xatirə diplomları ilə mükafatlandırıblar. Nəticələrə görə turnirdə oğlanlar arasında Süleyman Süleymanlı I yeri, Allahverdi Həmidov II yeri, Amin Qurbanov III yeri, qızlar arasında Xanım İsmayılova I yeri, Şəms Fərzəli II yeri, Nərgiz Rəşidova III yeri tutublar.
