Bakıda Zəfər Gününə həsr olunmuş “Uşaq atletikası” yarışları keçirilib. Yarışlar Dünya Atletikasının AOD proqramının və Milli Olimpiya Komitəsinin dəstəyi ilə Azərbaycan Atletika Federasiyası və "Rekord" idman klubunun birgə təşkilatçılığı ilə baş tutub. Bu haqda Azərtac 6 noyabr tarixində xəbər verib.
Yarışda "Rekord" idman klubu, 1 Nömrəli İxtisaslaşdırılmış Olimpiya Ehtiyatları Uşaq-Gənclər İdman Məktəbi, Nizami rayonu 251 nömrəli orta məktəb, Seyid Cəfər Pişəvəri adına Humanitar Fənlər Gimnaziyası və Binəqədi rayonu 3 nömrəli tam orta məktəbin şagidləri iştirak ediblər.
Yarışda 1 Nömrəli İxtisaslaşdırılmış Olimpiya Ehtiyatları Uşaq-Gənclər İdman Məktəbinin komandası qalib gəlib. Binəqədi rayon 3 saylı tam orta məktəbin komandası ikinci, "Rekord" idman klubunun komandası isə üçüncü pillələrdə qərarlaşıblar.
[caption id="attachment_13183" align="alignnone" width="896"] Foto AZƏRTAC-ın saytı[/caption]
