Azərbaycanlı idmançı Ruslan Lunyov Xorvatiyanın Osijek şəhərində keçirilən ISSF Qran-Pri yarışında pnevmatik tapançadan 10 metr məsafəyə atəş açmada gümüş medal qazanıb. Bu haqda məlumat 20 yanvar tarixində Gənclər və İdman Nazirliyinin İnstagram səhifəsində paylaşılıb.
Bu onun son bir həftədə ikinci uğurudur. Daha öncə, 14 yanvar tarixində Lunyov Sloveniyanın Ruşe şəhərində keçirilən yarışda pnevmatik tapançadan 10 metr məsafəyə atəş açmada qızıl medal qazanmışdır.
Ruslan Lunyov 1989-cu ildə Bakı şəhərində anadan olub. O, 2015-ci ildə Azərbaycanı I Avropa Oyunlarında, 2016-cı ildə isə XXXI Yay Olimpiya Oyunlarında təmsil etmişdir.
