Bakı Marafonu necə keçdi? Bu haqda bu gün, 16 may tarixində Bakuplus.az xəbər verir.
Ümumilikdə 15.000 nəfərin qeydiyyatdan keçdiyi yürüşdə kişilər arasında birinci yerə Rusiya vətəndaşı 33 yaşlı Rinas Axmadiyev sahib olub. O, məsafəni 1 saat 3 dəqiqəyə qət edib.
Qadınlar arasında isə qalibiyyəti Ukrayna vətəndaşı Veretska Valentyne əldə edib. O, 1 saat 17 dəqiqəyə yürüşü bitirib.
Fiziki məhdudiyyətli şəxslər arasında ən cəld iştirakçı məsafəni 57 dəqiqəyə qət edən 51 yaşlı Mehman Ramazanzadə olub.
Kişi və qadınlar üzrə qaliblərin hər birinə 3000 AZN mükafat verilib. 2-ci və 3-cü yerlərə müvafiq olaraq 2000 və 1000 AZN təqdim olunub.
Həmçinin marafonda 13-dən çox ölkənin vətəndaşları və daun sindromlu şəxslər iştirak ediblər. Tədbirdə əyləncə və konsert proqramları, eləcə də idman tədbirləri təşkil olunub.
Yürüşün iştirakçıları barədə və onların məsafəni nə qədər vaxtda keçdikləri haqda məlumatı qeyd olunan linkdən baxmaq mümkündür.
[URIS id=44554]
