“Səbail” və “Sabah” klubları Azərbaycan çempionatında “yubiley” nəticələrə çatıblar. Bu haqda bu gün, 23 oktyabr tarixində Bakuplus.az Peşəkar Futbol Liqasının rəsmi saytına istinadən xəbər verir.
“Səbail” FK çempionat çərçivəsində “Neftçi” ilə oyunda 150-ci qolunu vurub. Klub bu göstəriciyə 178-ci matçında çatıb. Bu qola fransalı hücumçu Aleksandr Ramalinqom imza atıb.
“Səbail” çempionatlar tarixində 150 və daha çox qol vuran 24-cü komanda olub.
“Sabah” isə Premyer Liqada öz meydanında 30-cu dəfə qələbə qazanıb.
Paytaxt təmsilçisi bu “yubileyinə” 75-ci matçında çatıb. Təsadüfi məqam ondan ibarətdir ki, “Səbail” kimi, “Sabah” da sözügüdən göstəriciyə imza atan 24-cü komanda kimi ölkə çempionatının tarixinə düşüb.
“Sabah” klubu ilk ev qələbəsini 2017/18 mövsümündə “Qəbələ”ni 1:0 hesabı ilə üstələyərək qazanıb.
