Yasamal rayonunda Heydər Əliyevin anadan olmasının 99-cu ildönümünə həsr edilmiş ali və orta ixtisas təhsil müəssisələri arasında keçirilmiş idman yarışlarının qaliblərinin mükafatlandırılması keçirilib. Bu haqda BakuPlus.az bu gün, 5 may tarixində xəbər verir.
Təqdimetmə mərasimi Bakı Dövlət Universitetinin idman kompleksində baş tutub.
Tədbirdə Yasamal Rayon İcra Hakimiyyətinin başçısı, Milli Məclisin sədr müavini, millət vəkilləri, MOK vitse-prezidenti, Gənclər və idman nazirliyinin şöbə müdiri, Bakı şəhər Gənclər və idman idarəsinin rəisi, BDU-nun rektoru, YAP Yasamal rayon təşkilatının sədri, Yasamal rayon Gənclər və İdman idarəsinin rəisi, yarış iştirakçıları və idman ictimaiyyətinin nümayəndələri iştirak ediblər.
Tədbirdə BDU-nun futbol komandasının qalib olduğu final oyunu da maraqla izlənilib. Voleybol, dama, şahmat, mini-futbol, basketbol və digər yarışlar üzrə qaliblər mükafatlandırılıb.
