Bakıda noyabrın 9-da Gənclər və İdman Nazirliyi “Qələbə qaçışı” xeyriyyə tədbiri keçirəcək.
Qaçış Vətən müharibəsinə həsr olunacaq və “Qürurla irəli” şüarı ilə Gənclər və İdman Nazirliyi tərəfindən təşkil ediləcək. Xeyriyyə aksiyasında əsas məqsədi Vətən uğrunda canını fəda etmiş, yaralanmış qazilərə dəstək olmaqdır. “Qələbə qaçışı” Elektra Hall-ın qarşısından start götürəcək və 5000 metrlik məsafəni əhatə edərək Bakı Dəniz Vağzalının qarşısında finişə çatacaq.
Qaçışa qoşulmaq istəyən hər kəs “YAŞAT” Fonduna minimum 20 manat iştirak haqqı ödəməlidir. 18 yaşdan yuxarı hər kəs https://www.smartscoring.com/az/form link vasitəsilə 7 noyabrın saat 18:00-a kimi qeydiyyatdan keçə bilərlər.
Qeydiyyat başa çatdıqdan sonra, müraciəti qəbul edilmiş hər kəsin e-mailinə təsdiq məktubu və iştirakçı bələdçisi göndəriləcək. “Qələbə qaçışı”ndan sonra, bütün iştirakçılara elektron sertifikatlar göndəriləcək.
