Landau şahmat festivalı keçiriləcək. Bu haqda 7 iyun tarixində AZƏRTAC məlumat verib.
Gənclər və İdman, Təhsil nazirliklərinin, Azərbaycan Şahmat Federasiyasının birgə dəstəyi ilə “Landau School” Təhsil Kompleksi tərəfindən iyunun 26-da şahmat festivalı baş tutacaq.
Yarışlar dörd müxtəlif yaş qrupunda - 8, 10, 12, 14 yaşadək oğlan və qızlar arasında təşkil olunacaq. İsveçrə sistemi üzrə keçiriləcək Landau şahmat festivalı səkkiz turdan ibarət olacaq və turnirin sonunda iştirakçılara qiymətli hədiyyələr və diplom təqdim olunacaq.
Şahmat festivalı iyulun 3-də sonlanacaq.
