Norveçdə keçirilən turnirin son raundunda Şəhriyar Məmmədyarovla Teymur Rəcəbov üz-üzə gələcək. Bu haqda BakuPlus.az bu gün, 10 iyun tarixində xəbər verir.
Bu gün Norveçin Stavanger şəhərində “Norway Chess” şahmat superturnirinin son turunun oyunları keçiriləcək.
Turnirin son raundunda, yəni 9-cu turda Şəhriyar Məmmədyarovla Teymur Rəcəbov qarşılaşacaqlar.
Səkkizinci turda Azərbaycan şahmatçısı Şəhriyar Məmmədyarov keçmiş dünya çempionu hindistanlı Vişvanatan Ananda qalib gələrək yarışın sonuna bir tur qalmış 14,5 xalla turnir cədvəlinin ikinci pilləsinə yüksəlib.
Komandamızın digər üzvü Teymur Rəcəbov isə, səkkiz turdan sonra doqquzuncu pillədə qərarlaşıb. Yarış cədvəlinə isə 15 xalla meydan sahibi və hazırkı dünya çempionu Maqnus Karlsen başçılıq edir.
