Dünya şöhrətli qanalı futbolçu Maykl Essyen “Sabah” futbol akademiyasının qonağı olub. Bu haqda bu gün, 11 iyun tarixində Sabah FK öz İnstagram səhifəsində məlumat paylaşıb.
Paytaxtın U-10 və U-12 komandalarının Bakı Olimpiya Stadionundakı məşqinə gözlənilmədən ulduz futbolçunun gəlməsi gənc idmançılar üçün əsl sürpriz olub.
Görüşdə Essyen akademiya üzvlərinin suallarını cavablandırıb və onlara futbolda uğur qazanmağın yolları ilə bağlı öz tövsiyələrini verib.
Sonra gənc futbolçular arasında əyləncəli yarış baş tutub. Yarışda qalib gələn iki akademiya oyunçusuna Essyenin imzası olan formalar hədiyyə edilib.
2019/2020 mövsümündə Essyen Bakının “Səbail” futbol klubunda çıxış edib.
