Bakıda voleybol üzrə Zəfər Kuboku keçiriləcək. Bu haqda 4 iyul tarixində Report məlumat verib.
22 iyul - Milli Mətbuat Günü münasibətilə iyulun 5-də saat 12:00-da AVF-in mənzil-qərargahında keçiriləcək yarışa 8 komanda qatılacaq.
Komandalar işğaldan azad olunmuş ərazilərin adı altında təmsil olunacaqlar: "Şuşa", "Ağdam", "Kəlbəcər", "Füzuli", "Zəngilan", "Xankəndi", "Xocalı" və "Suqovuşan".
İyulun 16-da yarımfinal, iyulun 22-də isə final qarşılaşmaları oynanılacaq.
Turnirin qalibinə Zəfər Kuboku, 800 manat pul mükafatı və diplomlar, finalçı komandaya diplomlar veriləcək. Həmçinin yarışın ən yaxşı voleybolçusu 100 manat pul mükafatı alacaq.
